2025-26ನೇ ಶೈಕ್ಷಣಿಕ ವರ್ಷದಿಂದ ರಾಜ್ಯದ ಸರ್ಕಾರಿ ಮತ್ತು ಅನುದಾನಿತ ಶಾಲೆಗಳಲ್ಲಿ ಆಧುನಿಕ ಸ್ಮಾರ್ಟ್ ಹಾಜರಾತಿ ವ್ಯವಸ್ಥೆ ಜಾರಿಗೆ ಬರಲಿದೆ. ಈಗಾಗಲೇ ಈ ಯೋಜನೆಯ ರೂಪುರೇಷೆ ಸಿದ್ಧವಾಗಿದ್ದು, ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ ಅಧಿಕೃತ ಆದೇಶ ಕೂಡ ಹೊರಡಿಸಿದೆ.
ಈ ಯೋಜನೆಯಡಿಯಲ್ಲಿ, ಅಧ್ಯಾಪಕರು ವಿದ್ಯಾರ್ಥಿಗಳ ಹೆಸರನ್ನು ಕೂಗಿ ಹಾಜರಾತಿ ಹಾಕುವ ಬದಲು, ಮೊಬೈಲ್ ಆಪ್ ಬಳಸಿ ವಿದ್ಯಾರ್ಥಿಗಳ ಫೋಟೋ ಕ್ಲಿಕ್ಕಿಸುವ ಮೂಲಕ ಹಾಜರಾತಿ ದಾಖಲಿಸಲಾಗುತ್ತದೆ. ಈ ಎಐ ಆಧಾರಿತ ಮುಖಚಹರೆ ಗುರುತು (Facial Recognition) ತಂತ್ರಜ್ಞಾನದಿಂದ, ನಿಖರ ಹಾಗೂ ರಿಯಲ್ ಟೈಂ ಹಾಜರಾತಿ ದಾಖಲಾತಿ ಸಾಧ್ಯವಾಗಲಿದೆ.
‘ನಿರಂತರ’ ಯೋಜನೆಯಡಿ ಹೊಸ ಹಾಜರಾತಿ ವ್ಯವಸ್ಥೆ
ರಾಜ್ಯದಲ್ಲಿನ 52,686 ಸರ್ಕಾರಿ ಮತ್ತು ಅನುದಾನಿತ ಶಾಲೆಗಳಲ್ಲಿ ಈ ಆನ್ಲೈನ್ ಹಾಜರಾತಿ ಪদ্ধತಿ ಜಾರಿಗೆ ಬರಲಿದೆ. ಇದರಲ್ಲಿ:
ಸರ್ಕಾರಿ ಶಾಲೆಗಳು: 40,74,525 ವಿದ್ಯಾರ್ಥಿಗಳು
ಅನುದಾನಿತ ಶಾಲೆಗಳು: 11,81,213 ವಿದ್ಯಾರ್ಥಿಗಳು
ಒಟ್ಟು ವಿದ್ಯಾರ್ಥಿಗಳು: ಸುಮಾರು 52 ಲಕ್ಷ+
ಪ್ರಗತಿಪರ ಹಾಜರಾತಿ ಪದ್ದತಿ ಹೇಗೆ ಕಾರ್ಯನಿರ್ವಹಿಸುತ್ತದೆ?
ಮೊದಲ ಪಿರಿಯಡಿನಲ್ಲಿ ಹಾಜರಾತಿ ಪುಸ್ತಕ ತೆರೆದು ಹೆಸರು ಹೇಳುವ ಬದಲು, ಶಿಕ್ಷಕರು ತಮ್ಮ ಮೊಬೈಲ್ನಲ್ಲಿ ಶಾಲಾ ಆಪ್ ಬಳಸಿ ವಿದ್ಯಾರ್ಥಿಗಳ ಫೋಟೋ ತೆಗೆದುಕೊಳ್ಳುತ್ತಾರೆ.
ವಿದ್ಯಾರ್ಥಿಗಳ ಹೆಸರು ಮತ್ತು ತರಗತಿ ವಿವರಗಳು ಈಗಾಗಲೇ ಆಪ್ನಲ್ಲಿ ಸಂಗ್ರಹಿತವಾಗಿರುತ್ತವೆ.
ಫೋಟೋ ತೆಗೆದ ತಕ್ಷಣವೇ, ಆತನ ಹಾಜರಾತಿ ಸಮಯ, ಹೆಸರು ಮೊದಲಾದ ಮಾಹಿತಿಗಳು ಸ್ವಯಂಚಾಲಿತವಾಗಿ ದಾಖಲಾಗುತ್ತದೆ.ಈ ಮಾಹಿತಿ ತಕ್ಷಣವೇ ಕೇಂದ್ರ ಡೇಟಾ ಸರ್ವರ್ಗೆ ರವಾನೆಯಾಗುತ್ತದೆ.
ಯೋಜನೆಯ ಹಿನ್ನಲೆ ಮತ್ತು ನಿರ್ವಹಣೆ ಈ ಪ್ರಾಜೆಕ್ಟ್ನ್ನು ಕರ್ನಾಟಕ ಸ್ಟೇಟ್ ಡೇಟಾ ಸೆಂಟರ್ (KSDC) ನಿರ್ವಹಿಸುತ್ತದೆ.
ಅಂದಾಜು ವೆಚ್ಚ: ರೂ. 5 ಕೋಟಿ
ಗರಿಷ್ಠ ಸುರಕ್ಷತೆ ಮತ್ತು ಗೌಪ್ಯತೆ ಕಾಪಾಡಲು ವಿಶೇಷ ಸಾಫ್ಟ್ವೇರ್ ಅಭಿವೃದ್ಧಿ ಮಾಡಲಾಗಿದೆ.
ಸ್ಮಾರ್ಟ್ ಹಾಜರಾತಿಯ ಪ್ರಮುಖ ಪ್ರಯೋಜನಗಳು
✅ ಹಾಜರಾತಿಯಲ್ಲಿ ನಿಖರತೆ ಹಾಗೂ ಸಮಯದ ಉಳಿತಾಯ
✅ ನಕಲಿ ಹಾಜರಾತಿ ಅಥವಾ ತಪ್ಪು ದಾಖಲೆಗಳಿಗೆ ಕಡಿವಾಣ
✅ ವಿದ್ಯಾರ್ಥಿಗಳ ಮೇಲ್ವಿಚಾರಣೆಗೆ ದೈನಂದಿನ ಡೇಟಾ ಲಭ್ಯ
✅ ಸರಿಯಾದ ಹಾಜರಾತಿಯ ಆಧಾರದಲ್ಲಿ ಅನುದಾನ ಹಂಚಿಕೆ
✅ ಶಾಲಾ ವ್ಯವಸ್ಥೆಯ ಗುಣಾತ್ಮಕ ಸುಧಾರಣೆ
ಈ ತಂತ್ರಜ್ಞಾನ ಆಧಾರಿತ ಹಾಜರಾತಿ ವ್ಯವಸ್ಥೆ, ವಿದ್ಯಾರ್ಥಿಗಳ ನಿಜವಾದ ಹಾಜರಾತಿ ದಾಖಲೆಗಳನ್ನೇ ಬಳಸುವುದರಿಂದ, ಮಕ್ಕಳ ಶಿಕ್ಷಣದ ಗುಣಮಟ್ಟವನ್ನು ಹೆಚ್ಚಿಸಲು, ಮತ್ತು ಸರ್ಕಾರಿ ಅನುದಾನಗಳನ್ನು ಸರಿಯಾಗಿ ವಿನಿಯೋಗಿಸಲು ಸಹಕಾರಿಯಾಗಲಿದೆ.
ಇನ್ನೆಂದೂ “ಹೆಸರು ಕೂಗಿ ಟಿಕ್ ಹಾಕೋ” ಪದ್ಧತಿಗೆ ವಿದಾಯ – ಈಗ ಹೆಜ್ಜೆ ಇಡಿ ಡಿಜಿಟಲ್ ಹಾಜರಾತಿಯತ್ತ!
m
