ಬೆಂಗಳೂರು, ಮೇ 26: ಕರ್ನಾಟಕ ರಾಜಕೀಯದಲ್ಲಿ ಸಿಎಂ ಕುರ್ಚಿಗೆ ಮತ್ತೆ “ಫುಲ್ ಡಿಮ್ಯಾಂಡ್” ಶುರುವಾಗಿದೆ. ಒಂದು ಕಡೆ ನಾಯಕರು “ಯಾವುದೇ ಬದಲಾವಣೆ ಇಲ್ಲ” ಎನ್ನುತ್ತಿದ್ದರೆ, ಇನ್ನೊಂದು ಕಡೆ ಮಾಧ್ಯಮಗಳು “ಇವತ್ತೇ ತೀರ್ಮಾನ… ನಾಳೆ ಪ್ರಮಾಣವಚನ!” ಎಂದು ಬ್ರೇಕಿಂಗ್ ನ್ಯೂಸ್ಗಳ ಮಳೆ ಸುರಿಸುತ್ತಿವೆ.
ಈ ನಡುವೆ ವಿಧಾನಸೌಧದಲ್ಲಿರುವ ಸಿಎಂ ಕುರ್ಚಿಯೇ ಸ್ವಲ್ಪ ಗಾಬರಿಗೊಂಡಂತೆ ಕಾಣುತ್ತಿದೆ. “ಬೆಳಿಗ್ಗೆಯಿಂದ ಸಂಜೆವರೆಗೂ ನನ್ನ ಹೆಸರೇ ಸುದ್ದಿ… ಆದರೆ ನನ್ನ ಮೇಲೆ ಕುಳಿತುಕೊಳ್ಳೋರು ಯಾರು ಅನ್ನೋದು ಇನ್ನೂ ಕ್ಲಿಯರ್ ಇಲ್ಲ!” ಎಂದು ಕುರ್ಚಿ ಆಪ್ತ ವಲಯದಲ್ಲಿ ಹೇಳಿಕೊಂಡಿದೆ ಎಂಬ ವ್ಯಂಗ್ಯ ಹರಿದಾಡುತ್ತಿದೆ.
ರಾಜಕೀಯ ಪಡಿತರರು ಲೆಕ್ಕ ಹಾಕುತ್ತಾ ಬ್ಯುಸಿಯಾಗಿದ್ದರೆ, ಸಾಮಾಜಿಕ ಜಾಲತಾಣದ ಮಂದಿ ಈಗಾಗಲೇ “ಹೊಸ ಸಿಎಂ”ಗೆ ಅಭಿನಂದನಾ ಪೋಸ್ಟ್ ಹಾಕಿ, ನಂತರ ಡಿಲೀಟ್ ಮಾಡುವ ಕೆಲಸದಲ್ಲಿದ್ದಾರೆ.
ಮಾಧ್ಯಮಗಳ ಕೆಲವು ವರದಿಗಳು “ಹೈಕಮಾಂಡ್ ಸಭೆಯಲ್ಲಿ ಮಹತ್ವದ ನಿರ್ಧಾರ” ಎನ್ನುತ್ತಿದ್ದರೆ, ಇನ್ನೂ ಕೆಲವು “ಊಹಾಪೋಹಗಳಿಗೆ ಬ್ರೇಕ್” ಅಂತ ಹೇಳುತ್ತಿವೆ. ಇದರಿಂದ ಜನರಲ್ಲೂ ಗೊಂದಲ:
“ಸುದ್ದಿ ನೋಡೋಣವೇ… ಅಥವಾ ಅಧಿಕೃತ ಘೋಷಣೆ ಬರುವವರೆಗೂ ಕಾಯೋಣವೇ?” ಎನ್ನುವ ಪ್ರಶ್ನೆ.
ಒಟ್ಟಿನಲ್ಲಿ ಕರ್ನಾಟಕದ ಸಿಎಂ ಕುರ್ಚಿ ಈಗ ರಾಜ್ಯದ ಅತ್ಯಂತ ಚರ್ಚೆಯ “ವಿಐಪಿ ಆಸನ” ಆಗಿದ್ದು,
“ಮುಂದಿನ ಆದೇಶದವರೆಗೆ ನಾನು ರಿಸರ್ವ್!” ಎಂದು ಮೌನವಾಗಿ ಕಾಯುತ್ತಿರುವಂತಿದೆ!
ಇತ್ತೀಚಿನ ವರದಿಗಳ ಪ್ರಕಾರ ನಾಯಕತ್ವ ಬದಲಾವಣೆ ಕುರಿತು ಊಹಾಪೋಹಗಳು ಜೋರಾಗಿದ್ದರೂ, ಕಾಂಗ್ರೆಸ್ ಹೈಕಮಾಂಡ್ ಸಾರ್ವಜನಿಕವಾಗಿ “ಇನ್ನೂ ಯಾವುದೇ ಅಂತಿಮ ನಿರ್ಧಾರವಾಗಿಲ್ಲ” ಎಂಬ ನಿಲುವನ್ನೇ ವ್ಯಕ್ತಪಡಿಸಿದೆ
m
