ಸುಳ್ಯದಲ್ಲಿ ರಾಜ್ಯದಲ್ಲೇ ಅತ್ಯಂತ ಹೆಚ್ಚು ಉಷ್ಣಾಂಶ ದಾಖಲೆ;

ಮಂಗಳೂರು: ಉಷ್ಣತರಂಗದ ಹಿನ್ನೆಲೆಯಲ್ಲಿ ಹವಾಮಾನ ಎಚ್ಚರಿಕೆ!

ದಕ್ಷಿಣ ಕನ್ನಡ ಜಿಲ್ಲೆಯ ಸುಳ್ಯದಲ್ಲಿ ಶುಕ್ರವಾರ ರಾಜ್ಯದ ಅತ್ಯಧಿಕ ಉಷ್ಣಾಂಶ ದಾಖಲಾಗಿದೆ ಎಂದು ಕರ್ನಾಟಕ ರಾಜ್ಯ ಪ್ರಕೃತಿ ವಿಕೋಪ ಮಾನಿಟರಿಂಗ್ ಸೆಂಟರ್ (ಕೆ.ಎಸ್.ಎನ್.ಡಿ.ಎಂ.ಸಿ) ತಿಳಿಸಿದೆ.

ಮಾ 1 ರಂದು ಬಿಡುಗಡೆಯಾದ ಸಂಸ್ಥೆಯ ಬುಲೆಟಿನ್ ಪ್ರಕಾರ, ಸುಳ್ಯದಲ್ಲಿ ಗರಿಷ್ಠ ಉಷ್ಣಾಂಶ 40.1°ಸೆ.ಗೆ ಏರಿತು.

 ಇದೇ ಹಿನ್ನೆಲೆಯಲ್ಲಿ, ಕರಾವಳಿ ಪ್ರದೇಶಗಳಿಗೆ ಮಾ ೨ರಿಂದ ಉಷ್ಣತರಂಗ (ಹೀಟ್ ವೇವ್) ಸಂಬಂಧಿ ಮುನ್ನೆಚ್ಚರಿಕೆ ಹೊರಡಿಸಲಾಗಿದೆ.

ದಕ್ಷಿಣ ಕನ್ನಡದ ನಾಲ್ಕು ಮತ್ತು ಉತ್ತರ ಕನ್ನಡದ ಮೂರು ಪ್ರದೇಶಗಳಲ್ಲಿ ಉಷ್ಣಾಂಶ 39°ಸೆ.ನಿಂದ 40.1°ಸೆ.ವರೆಗೆ ದಾಖಲಾಗಿದೆ.

 ಬಂಟ್ವಾಳ ತಾಲೂಕಿನಲ್ಲಿ 39.1°ಸೆ. ಮತ್ತು ಕಡಬದಲ್ಲಿ 39°ಸೆ. ಗರಿಷ್ಠ ಉಷ್ಣಾಂಶ ನೋಡಲಾಗಿದೆ. ಹವಾಮಾನ ಇಲಾಖೆಯ ಪ್ರಕಾರ, ಜಿಲ್ಲೆಯಲ್ಲಿ ಮುಂದಿನ ಐದು ದಿನಗಳವರೆಗೆ ಗರಿಷ್ಠ ಉಷ್ಣಾಂಶ 37–38°ಸೆ. ವರೆಗೆ ಇರುವ ಸಾಧ್ಯತೆ ಇದೆ ಎಂದು ಹೇಳಿದೆ.