ಸಾರಿಗೆ ಅಂದರೆ ಹೀಗಿರಬೇಕು
ನಾಮದಲ್ಲು ನೋಟದಲ್ಲೂ
ಸೇವೆಯಲ್ಲು ಸೌಂದರ್ಯದಲ್ಲೂ
ದೇಶಕ್ಕೇ ನಂಬರ್ ಒನ್
ನಮ್ಮ ಕರ್ನಾಟಕ ಸಾರಿಗೆ
ಉತ್ತರ ನೈರುತ್ಯ ದಕ್ಷಿಣ ಈಶಾನ್ಯ
ನಗರ ಗ್ರಾಮ ಅಂತರ್ ರಾಜ್ಯಗಳಿಗೆ
ವರ್ಣರಂಜಿತ ವಿಶಿಷ್ಟ ಬಸ್ಸುಗಳು
ಕರುನಾಡ ಸಾರಿಗೆಯ ಸೇವೆಗಳು
ಶ್ವೇತ ವರ್ಣದ ಐರಾವತ ಸುಂದರಿ
ಸುಖ ನಿದ್ದೆಗೆ ಎರಡಂತಸ್ತಿನ ಅಂಬಾರಿ
ಕೆಂಪಗಿನ ಕನ್ಯೆ ಸಾಮಾನ್ಯ ಸಾರಿಗೆ
ಹೆಮ್ಮೆಯಾಗಿ ಸದಾ ಕರುನಾಡಿಗೆ
ಮಹಾನಗರದ ಬೃಹತ್ ಬೀದಿಗಳಲ್ಲಿ
ಬಣ್ಣಬಣ್ಣದ ನಗರ ಸಾರಿಗೆ ಗಳು
ಗ್ರಾಮದ ಸುಂದರ ಹಾದಿಗಳಲ್ಲಿ
ಗ್ರಾಮಾಂತರ ಸಾರಿಗೆಗಳು
ವೇಗದ ನವೀಕೃತ ಅಶ್ವಮೇಧ
ಪಾರಿವಾಳದ ರೂಪದಿ ರಾಜಹಂಸ
ವಿಮಾನಕ್ಕೇರಿಸುವ ಫ್ಲೈ ಬಸ್ಸುಗಳು
ವಿದ್ಯುತ್ ಚಾಲಿತ ನೀಲಿ ತಾರೆಗಳು
ಮಿತ ದರಕ್ಕೆ ದೂರ ಯಾತ್ರೆ
ಸುರಕ್ಷಿತ ಮತ್ತು ಸುಖಕರ ಯಾತ್ರೆ
ಮಹಿಳೆಯರಿಗೆ ಪ್ರಯಾಣ ಉಚಿತ
ವಿದ್ಯಾರ್ಥಿಗಳಿಗೆ ರಿಯಾಯಿತಿ ಖಚಿತ
ಅಭಿಮಾನವಿದೆ ನಮ್ಮ ಬಸ್ಸೆನ್ನಲು
ಎದೆಯೆತ್ತಿ ಅಶ್ವಮೇಧ ಏರಲು
ಅಂಬಾರಿ, ಐರಾವತದಿ ಕೂರಲು
ನೆಮ್ಮದಿಯ ಸಾರಿಗೆಯಲಿ ಸಾಗಲು
Shafi Anvaari Kodagu Karnataka
m
